穗興

营业中

休息中

今日假期，所以瞓晏少少先起身，差不多成十点多先起身，本来谂住唔食早餐，因为惊阵间食午饭又冇胃口，但又肚饿，所以就谂住脆脆地食少少野就算。又黎到呢间餐厅，但今次见到一个叫蒜蓉猪仔包，好似几吸引，又可以轻食，都几好，所以叫左呢个，同埋一杯冻柠檬茶。等了一会，蒜蓉包上枱，一阵阵的蒜容香味扑鼻而来，一碟有四件，面头啲蒜蓉都算多，加埋牛油既香味，令人垂涎欲滴。立即急不及待拎起一块黎食。猪仔包好脆，好香口，啲蒜蓉都好香，食落令人不自觉地一口一口的食下去，真系好好食，好快地俾我一口气食晒4件蒜蓉猪仔包，配埋杯冻柠檬茶真系双得益彰。我觉得佢整得仲好食过好多集团式经营的茶餐厅，今日终于俾我发掘好野食，下次又可以多一个选择！