漁粉 (已結業)

落雨天去做乜嘢？梗系去打边炉啦！寻晚就拣咗呢间试试佢。本人最钟意食嘅嘢之一就系酸菜鱼啦！当店主俾咗几个选择我哋，其实我只听到酸菜鱼，而我最后亦都拣咗酸菜鱼，利申：朋友话佢咩都食㗎🤣！佢一拎个锅出嚟嘅时候我就已经闻到浓浓嘅蒜香味，店主温馨提示我哋最好唔好滚太耐，尽快食咗啲鱼如果唔系就会林晒㗎啦！本身我就好钟意食有蒜头味嘅嘢食，加上酸菜鱼。但我估唔到嘅系原来酸菜鱼配蒜头系咁夹㗎！而且食落口嘅时候我发觉有啲牛油嘅香味咁样，非常惹味！连我朋友都话好好味！另外佢写纸点嘅其他任食配料都唔错：例如沙白、带子、鹅肠同埋野生竹笙我都觉得好配合个锅！牛肉呢就正常啦。可惜𠮶晚佢自家制嘅韭菜饺卖晒，未能试到。另外自助火锅配料𠮶度，由于我哋两个人食晒啲鱼再加埋之前点嘅火锅配料其实都差唔多，所以我主力都系攞少少蔬菜：韭菜啊（呢样呢火锅店就少啲出现，本人觉得有惊喜）芫荽啊、菇啊𠮶啲啰！如果你钟意食酸菜鱼但唔钟意酸菜味太劲嘅朋友，我10分推介呢一个酸菜鱼火锅，因为佢食落仍然有𠮶种麻辣麻辣嘅感觉（辣到可以选择）再加上蒜头嘅香味，朋友同我都食得好满足。