Mad for Garlic (已結業)

同朋友食生日饭，想食啲Fushion菜，左拣右拣最后决定试下呢间以蒜为主题既餐厅。好彩早两日Book 左位，因为都真系几多人黎食，入到去环境都约几有情调，而且好多有间住既卡位，坐得都舒服。Caesar salad $88食西餐一定会叫Caesar salad，而呢个 Caesar Salad都好有惊喜，因为原只生菜试都系第一次，不过真系唔可以唔赞佢既罗马生菜真系几爽同好新鲜，同埋呢个沙律都有铺试香烤蒜，令整个沙律同左Fresh仲好香口。 Crab & Lobster Pasta $148满满既忌廉酱令奶油香味好重，同埋好Cream既质感，表面铺满既蟹肉同龙虾肉份量都唔少，为意粉带黎微辣香味，令个意粉唔会只系得忌廉味咁单调，另外意粉亦冇过淋，岩岩好。 Garlic Hug Steak $228呢个烤澳洲牛柳原本叫左5成熟，不过最后都系Overcooked 左，好彩牛柳本身质量好，都唔会韧，而且都多肉汁，另外整个牛柳充满蒜香味，牛柳面仲铺满好香脆既香蒜片，所以都几正。