What The Food Cafe (已結業)

朋友推荐粉岭工厦有间餐厅的蒲烧鳗鱼蛋包饭好食，平时系观塘工厦食得多，今次一于试下朋友的推荐。餐厅唔近地铁站，要行大约15-20分钟左右，我地大约12点到，刚好未有太多人，但之后都坐满人，如果星期六来食最好都系订左位。入到去环境都阔落舒服，而且食物选择都唔少。杂菜汤 - 其实即系罗宋汤，不过佢落胡椒粉都几重手，有少少偏辣。但个芝麻餐包松软好食。桂圆红枣茶 - 加左$18，味道正常，但分量就少左D咁啰。蒲烧鳗鱼蛋包饭 - 今日的主角终于登场，分量相当丰富，特别系紫菜同蛋都有唔少，而且蛋好滑，入口即溶，跟饭一流，鳗鱼都系合理分量，只系个汁太多，影响左整体的质感，不过味道都系好食的。整体而言，餐厅食物质素唔错，性价比都合理，只系位置有点不便，如果唔经附近真系唔会有机会来试。