蟹仙海鮮蒸氣鍋 (仁愛街) (已結業)

虽然我哋好钟意打边炉，不过打得多都热气啦，饮多凉茶廿四味都唔掂，所以我哋今晚决定食清啲。粥够清啦，不过唔系普通嘅粥，系海鲜蒸气锅之后嘅粥，哈哈！经过明查暗访，我哋去到新蒲岗蟹仙海鲜蒸气锅，只需HK$198一位 (星期五、六、日、公众假期及前夕，每位加HK$28)，就可以品尝八款海鲜加有机蔬菜。翡翠九孔鲍鱼哗！只鲍鱼真系好大只，蒸五分钟就食得，非常厚肉，好腍身。沙巴活刀贝 + 越南贵妃蚌同样系大大只，因为有列明清楚蒸嘅时间，唔惊会蒸过火，确保鲜甜美味。泰国海中虾啲虾真系好新鲜，嚟嘅时候仲郁紧㗎！爽口弹牙，入口鲜甜，根本唔洗点豉油。苏格兰蛏子 + 贝壳盛盆M佬最钟意食蛏子，虽然呢到嘅蛏子比较细只，不过鲜味十足，一样咁正！东风螺本身比较硬身，所以口感丰富，螺味香浓。花甲无沙鲜甜，想再Encore！菲律宾黄奄蟹呢只蟹真系值回票价，一啲都唔细只，非常新鲜。蒸完打开𠮶盖，就好香蟹味，食落去好香甜，肉质结实，蟹膏浓郁。真系食到唔想讲嘢，只系想慢慢品尝。澳洲青龙虾想食豪啲，大家可以加HD$68升级做青龙虾，大大只，好厚肉，仲有好多膏，好香浓。呢个M佬连啲龙虾脚都食埋，话好多肉添。有机蔬菜篮蔬菜篮有粟米