影片
更多
2016-04-16
1086 浏览
成个冬天打咗好多次边炉，其实真系几热气！但系就总会有个瘾系到，好鬼想食。男朋友呢排话带我试新野，又好食又唔会热气咁话㖞。原来系蒸气石锅，其实小妹都有听过呢个名咖喇xd终于有机会嚟潮下圣！潮福蒸气石锅其实有好多分店，咁我地呢啲港岛人就梗系去近近地嘅西湾河啦。小妹好好奇蒸气火锅有咩咁吸引，因为小妹喜爱嘅系普通打边炉，而蒸气火锅就从来都未试过，今次系第一次。潮福蒸气石锅采用嘅系锅底放入材料造成粥底，再喺上面一层蒸炉蒸唔同嘅海鲜食。我哋就是左海鲜套餐，呢个系一个半任饮任食嘅套餐，比较抵食。套餐里面包括左一个粥底，有排骨粥或者瑶柱淮山粥。我哋拣咗瑶柱淮山粥，咁店员就会首先将米同埋祝嘅材料放入去石锅里面，然后上面𠮶层就会开始蒸嘢食。套餐包括左贝类拼盘，每人半只龙虾，仲可以任选五款唔同嘅海鲜。我哋就拣咗虾、象拔蚌、大带子、圣子，仲有鲍鱼。其实都有好多种类食架，而食完呢啲海鲜之后，仲有其他唔同嘅肉类蔬菜同糕点可以任食。饮品包括啤酒、汽水、甚至竹姐茅根等都可以仼饮。落完单拣好海鲜之后就可以出去自助调味吧选择自己钟意嘅调味酱料。配料非常多，芫茜辣椒蒜蓉葱等等全部都一应俱全。套餐中包括左每人一个炖汤，我哋𠮶
但系就总会有个瘾系到，好鬼想食。
男朋友呢排话带我试新野，又好食又唔会热气咁话㖞。
原来系蒸气石锅，其实小妹都有听过呢个名咖喇xd终于有机会嚟潮下圣！潮福蒸气石锅其实有好多分店，咁我地呢啲港岛人就梗系去近近地嘅西湾河啦。
小妹好好奇蒸气火锅有咩咁吸引，因为小妹喜爱嘅系普通打边炉，而蒸气火锅就从来都未试过，今次系第一次。潮福蒸气石锅采用嘅系锅底放入材料造成粥底，再喺上面一层蒸炉蒸唔同嘅海鲜食。
我哋就是左海鲜套餐，呢个系一个半任饮任食嘅套餐，比较抵食。套餐里面包括左一个粥底，有排骨粥或者瑶柱淮山粥。
我哋拣咗瑶柱淮山粥，咁店员就会首先将米同埋祝嘅材料放入去石锅里面，然后上面𠮶层就会开始蒸嘢食。
套餐包括左贝类拼盘，每人半只龙虾，仲可以任选五款唔同嘅海鲜。我哋就拣咗虾、象拔蚌、大带子、圣子，仲有鲍鱼。其实都有好多种类食架，而食完呢啲海鲜之后，仲有其他唔同嘅肉类蔬菜同糕点可以任食。饮品包括啤酒、汽水、甚至竹姐茅根等都可以仼饮。
落完单拣好海鲜之后就可以出去自助调味吧选择自己钟意嘅调味酱料。配料非常多，芫茜辣椒蒜蓉葱等等全部都一应俱全。
套餐中包括左每人一个炖汤，我哋𠮶日饮嘅系西洋菜唐排。
炖汤有火喉，好健康，表面有少少油但系一中里面有齐堂牌，鸡脚，同西洋菜。材料都好丰富，饮得出系冇落到味精，非常之健康。
首先开始正嘅系贝类拼盘，贝类拼盘里面有三到四种唔同嘅贝壳类。有花甲，马刀贝同番薯蚬。
呢个贝壳拼盘里面每一种味道都好鲜甜，唔会有沙，肉亦都好厚身，一啲都唔细只好好食！
接住落嚟嘅就梗系每人半只嘅龙虾啦，龙虾好新鲜，只需要正两到三分钟，就已经可以食啦！龙虾肉好以离壳，口感弹牙爽口。
虾每人有两只，会用竹签穿着。
虾非常新鲜，每一只都仲系活生生扎扎跳咁。虾肉弹牙啖啖肉，最有惊喜系每一只都有好多膏，味道非常甘香。
蛏子皇有粉丝托底仲有蒜蓉调味，蛏子预先起好肉一条条，方便食客食用。蛏子口感爽口，唔会太韧，蒜蓉调味刚刚好。
日本大元贝非常有惊喜，元贝劲大只，足足有我一只手咁大。
同样用咗蒜蓉同粉丝托底。蒜蓉嘅调味带出咗元贝嘅鲜，蒸嘅时间啱啱好口感爽口得来带点嫩滑。
鲍鱼用咗虫草调味，店家非常之细心咁预先将内脏清走。仲将鲍鱼起咗壳， 等客人食嘅时候更加方便。鲍鱼肉质爽口，配搭虫草花一齐正感觉非常健康同清新。
除咗海鲜嘅部份，饮食嘅部份仲有好多选择。我哋叫咗污糟鸡，猪颈肉，猪肉丸，酿凉瓜仲有马拉糕同红枣糕。
估唔到鸡同猪颈肉蒸可以带出到肉嘅原味，而且一啲都唔鞋，仲好嫩滑啊。
猪肉丸系手打嘅非常弹牙，马拉糕贞德好松软而且好香。红枣糕烟烟银银，口感特别可以当做甜品食！
最后梗系要食返一开始就煲嘅粥底啦，粥吸收咗咁多样海鲜嘅鲜味，非常鲜甜，而且粥亦都煲得好绵，比想像中更加好食。
蒸气火锅不单只可以保留食物嘅原味同鲜味，仲比普通火锅更加健康同唔热气，唔怪之得咁佢人气啦！而家黎食呢个半仼食套餐非常之抵食，等小妹迟啲再嚟食多次先！
张贴
