天聚源 (已結業)

由蓝地大街净系得茶餐厅嘅日子，到依家佢开特别嘅食肆开到成行成列，真系估佢唔到，平时都会食佢间西餐厅，今次见宵夜有特价，就去咗食依间蒸气火锅🚂七五折又真系几抵😗😗经过佢个弄堂去到后院别有洞天，入到去见到大大个煲系枱尾，连住一个气喉同蒸馏水，又真系几特别😲煲底系生米，好紧张，好想食海鲜粥🍲上基本配料同沙律，一边食沙律一边等可以放海鲜😼✨有花甲、大蚬、沙白同贝贝蚬，贝贝蚬同沙白非常鲜甜，而且数量够多🐿反而蚌冇咁鲜甜同好似老咗少少🤧因为海虾冇哂，所以换咗花螺比我哋，份量都唔少，肉质鲜美😗😗💕带子都几甜，唔算厚肉，但都叫做唔错🙈走地鸡唔算肥，迫咗一阵鸡油出嚟就更加健康🐔龙虾系泰国嚟嘅，唔算重味但胜在够弹牙，点埋豉油就完美🙆🏻最后嘅粥加葱加生菜，比想像中好味，加埋少少配料，我哋食哂成煲🤤宵夜嚟讲真系几抵食🚂🚂🚂