潮福蒸氣石鍋 (已結業)

想丧食海鲜又食得原汁原味当然要拣蒸气锅啦，潮福我都第一次试，新推任饮任食，但肚皮有限，其实同套餐份量都相差无几。首先每位送半只乳鸽，半边龙虾，贝壳类盛合同炖汤。炖汤够足料，味道香纯。贝壳类包括花甲，蚬同马刀贝，非常鲜甜肥美，无沙，马刀贝最为厚肉。龙虾有膏，肉质纹理清晰，爽口弹牙。自选4款海鲜拣左北寄贝，桶蚝，元贝同龙趸片，推介北寄贝同桶蚝，味道鲜甜，蚝够大只又厚肉。肥牛可以任叫! 够哂原汁原味，比火锅煮得更juicy。个人最期待既马拉糕! 新鲜蒸出最正! 不过已经好饱食唔到第2旧......蒸气锅精髓粥底，就算几饱都要食埋 !! 好绵，淡淡海鲜精华，又带鱼香肉香，食淡粥都咁多层次，神奇每人埋单3百几蚊，仲有朝日啤酒，竹庶水，汽水任饮，值回票价，下次要再帮衬。