潮福蒸氣石鍋 (已結業)

同朋友想食新鲜嘅海鲜，系旺角行完街，就去到呢间潮福食蒸气石锅。成个套餐有好多野食。先系粥底选择一个 (新鲜排骨粥和瑶柱新鲜淮山粥)、炖汤每人都可以选择其一。接著仲有脆皮乳鸽、贝壳盛盆，龙虾赠送等等。非常期待!热辣辣嘅炖汤，炖汤味道清甜，材料落到好足，螺肉、排骨份量都多，系个好开始。跟住嘅脆皮乳鸽炸得外皮金黄，肉汁多、皮脆，肉质亦相当细嫩。海鲜系列: 扇贝用上蒜蓉同粉丝去蒜，味道唔会太浓郁，系清新之选。而青口同蚬肉份量够大只，无沙无杂质，够晒鲜甜。龙虾肉质结实，肉色白析，有天然海产嘅鲜甜味道，相当高质素。而鲍鱼配合姜丝、虫草花一齐去蒸，突出到鲍鱼嘅鲜味!海鲜之外，我地都选择左肉食。肥牛同牛肉粒肉味香浓，蒸一分钟左右就食得，好嫩口!最后有石锅底中嘅瑶柱新鲜淮山粥。吸收左成晚海鲜嘅精华，根本唔需要加任何调味，都食到粥中当中嘅鲜味。