九重鮮 (已結業)

通常我哋食放题都系食日式🤔今次就拣咗呢间韩式嘅放题嚟试下，呢度都几近地铁站，行一分钟就到，A出口对面就系。🔺午市放题 ($268/位) 呢个价钱有得食龙虾、鲍鱼，性价比可谓相当之高！不过都要睇下啲海鲜新唔新鲜。🔺龙虾、鲍鱼、带子龙虾啖啖肉，肉质弹牙、唔似雪藏货，有淡淡嘅海水味。鲍鱼亦都弹牙，但系鲜味方面略嫌比龙虾逊色。带子下面有一层粉丝铺住，口感食得出新鲜。🔺海虾、海蚬啲蚬好大只！呢part就任食既，每次嗌都有成差唔多十几廿粒，仲要每一只都有好鲜甜嘅海鲜味，我个人大推食蚬🤪海虾都唔错、有鲜味、肉质可以再好啲。🔺各类串烧、一口牛、海鲜粉丝每种串烧嘅火侯都控制得好好、唔会太干，内里仲系好juicy。烧京葱肥牛嘅京葱烧得香脆而又唔肥腻，劲脆。我觉得系比出面专门食串烧嘅平均水平可能更要好。另外一个特色系佢嘅海鲜粉丝真系唔错，个汤底有晒蚬同海虾嘅精华，每一次嚟嘅份量都较少，咁就可以容易啲控制食嘅份量，唔惊食得太饱！🔺椰皇三重奏食到劲饱仲有最后一个甜品，好高质。最上层系椰丝，中间有椰浆，最底系椰青水。超级解腻而且系好香椰子味，食得出系冇加过水，原汁原味嘅椰子香味，绝对唔系糖水。而且呢度坐得舒服，