蟹仙海鮮蒸氣鍋 (仁愛街) (已結業)

今日同屋企人行Mikiki，到了晚饭时间有人提议食海鲜，谂起附近有间食蒸气锅海鲜，大家都赞成《蟹仙海鲜蒸气锅》。海鲜套餐包括多种海鲜，店员教路，海鲜由淡味先吃，日本野生赤虾~肉质唔错，台湾九孔鲍鱼~爽口弹牙有口感，韩国庆南珍珠蚝~蚝味香浓，日本大元贝~蒸嘅时间刚刚好，十分新鲜，纽西兰月亮贝~这个第一次吃，带点点海水咸味，大西洋野生青口~胀卜卜，咬落鲜甜，太平洋馒头蟹~馒头蟹生长几千尺海底下，繁殖嘅时候会游上交浅嘅水域先至会被捕捉到，十分罕有，馒头蟹嘅肉质比一般蟹鲜甜，澳洲青年龙虾~龙虾肉充满整个龙虾壳，肉质比较厚实，大黄奄蟹~这个确是不得了，一定要赞，咸蛋黄般的蟹膏超级香，越食越滋味。有机蔬菜篮~蔬菜粟米都好新鲜。食完蒸嘅最后就系下面嘅粥底，完全接收晒楼上蒸海鲜嘅精华，成个粥味道好鲜甜，粥底本身有排骨及芋头，食落好香，最后加入葱花及菜脯。店员会全程调教时间蒸熟海鲜及上碟，服务周到。送咗个炸鱼皮，又香又脆，食嘅时候仲热热地。海鲜用蒸嘅食法真系鲜好多，完全可以保存海鲜原有的肉汁，海鲜的精华一滴不漏，食落特别美味。最后送多个椰汁雪耳糖水，冰冻可口。