倫住蒸倫哥私房菜 (已結業)

蒸海鲜@太子上星期见呢道新开张，有成八种海鲜都系每人 $238 再七折，就同咗屋企人嚟食蒸海鲜。啲嘢质素都几好，服务仲无得弹𠻹，呢道嘅蒸锅系有计时，侍应一听到个锅响就会过嚟分海鲜，完全唔使自己动手又唔会 overcook前菜竟然系鲍鱼同花胶，会唔会太劲？一人仲有一盅老火汤，汤料好足，好滋润～每样海鲜都可以自选酱料去蒸，同埋侧边都会配一啲时蔬。龙趸腩清清哋已经足够，因为鱼肉好鲜甜，而且劲滑！生蚝好饱满，蒸完都无缩到好细，仲系大大只，今次就伴咗荷兰豆。贵妃蚌用咗蒜蓉粉丝去蒸，好惹味 啲虾开完边每边都几大，拣咗用蒜蓉去蒸，蒸虾香口又好弹牙！奄仔蟹爆哂膏，真系好吸引～ 只蟹望落唔大，但蟹肉食落原来都几多，非常鲜味。连龙虾箝都好巨型，可以成条肉叉出嚟食好霸气 龙虾肉好结实，好食～睇 menu 𠮶阵都唔系好 picture 点样鲜鱿蒸肠粉，不过捞埋啲甜酱麻酱又几好味，好似魔性咁搞到我食唔停 到最后仲有个荷叶蒸饭，成盘盘菜咁丰富，真系食到饱饱～甜品黑糖冰凉粉系透明㗎，屋企人话系伦哥版水信玄饼，笑死 呢个冰凉粉清甜冰冻，好消滞。