潮福蒸氣石鍋 (已結業)

最近流行食蒸海鲜，我同朋友都嚟咗呢间食海鲜。由于系酒楼，所以佢有游水海鲜栏，任由客人选择。有海鲜display, 你可以一路望一路拣，感觉上比较有趣味。我地选择左龙虾、扇贝、鲍鱼、圣子等常规海鲜。。。成盘上，好型。另外叫左个炖汤。例排炖汤都ok. 味道几浓。鲍鱼加左果皮蒸，鲍鱼始终都硬身，系比较难咬开，虽然佢有人睇住火，会提醒我地，自己整，毕竟冇厨房啲大炉咁容易掌握，容易过左火。甘就衰左。蚬都唔错，因为够新鲜，所以清蒸左之后蚬味突出。记住要自己睇住火，因为一过咗火，又系会太硬，所以只要见到有啲蚬弹开壳，就好即刻食。其实由于我哋唔系太专业去睇啲海鲜熟唔熟，所以自己整嘅问题系唔熟又惊肚疴，整得太熟又失去左去海鲜最靓肉质嘅时刻，最后系样样都煮得过熟。为左安全无计。蒸海鲜呢个玩意，真系要有识睇火既朋友一齐吃，会稳阵啲。