潮福蒸氣石鍋 (已結業)

最近连续食左两次潮福，都同朋友分享左，CC听左又话要同我嚟多次，因为佢都好钟意食海鲜，特别想稳一D有特色嘅海鲜，今日为佐就佢返屋企近，就嚟左西河湾呢间分店，边间分店无咩所谓，海鲜都一样靓。今日我地都系点套餐，品种多又唔洗淋点咩食，而且仲有配菜同其他菜任点任食。见到呢个蒜蓉蒸开边南非龙虾，见到就好有食欲喇，龙虾都算大只，虾肉好新鲜，而且好爽口弹牙，简单嘅蒜蓉蒸，带出虾肉嘅鲜甜味。粥底好重要，因为我觉得系呢餐饭压轴好菜色，瑶柱本嚟就好鲜，到最后再加上咁多海鲜嘅甜美，到最后就变成美味鲜甜靓靓海鲜粥喇。食完龙虾先饮个靓炖汤，云腿粒冬瓜炖海螺肉够味道啊，料好足，味道好清甜，无放味精其他调味料，好似住家老火汤咁靓。食完海鲜就食D蔬菜嚟补充下，蔬菜都系免费任点任食，好新鲜。蒸蕃薯蚬真系体验到呢度海鲜嘅正，真系好新鲜，肉好肥美，细细只，但好新鲜，好正。蒸鲍鱼及龙趸片唔洗讲都系咁新鲜，鲍鱼肉好厚，好弹牙，龙趸片切得好厚，肉蒸好耐都无蒸烂，仲系咁实，鲜甜无比啊。