影片
更多
2015-05-18
1564 浏览
以涮涮锅或烤肉形式食和牛都试过，但「蒸」就唔止未试过，算小弟见识浅薄，连听都未听过。食友提议试吓，当然想见识啦，人少少三几个老友约埋一齐嚟到以蒸笼料理作卖点嘅季和有个小局，慢慢食，慢慢倾。有咗西港岛延线，过嚟西营盘方便好多，不过，原来啲地铁出口开得好吊脚，唔近大街，好在事先上网睇过地图，否则就盲摸摸。店内装修清雅富和风味，感觉柔和舒服，最引人注目喺天花唔同款式嘅吊灯，甚有日本风情，又够别致；座位分别有2、4、6人座，最钟意佢6人座位置有竹屏风相隔，私隐多一点之余，又减少食客之间嘅骚扰。除咗散叫，有多款一人前定食（$98-$158），以及少数二人前（$298、$338）同四人前定食（$598）。不过，嚟得季和，相信大部人嘅目的都喺一尝和牛蒸笼料理，而蒸笼料理套餐分两个价钱，视乎「蒸笼」部份选食A4定A5和牛，前者定价为$600/位，而后者则$800/位，套餐已包括前菜、刺身、烧物、寿司、酒肴、蒸笼料理、食事及甘味，非常丰富。如想咀刁，可以跟餐厅商议自订菜单，俾个「笔直」佢，讲讲个别喜好俾佢参考，佢就会安排一个个人化嘅和牛蒸笼料理俾你。是夜，9道菜嘅蒸笼盛宴（只喺$550 + 10%），随
店内装修清雅富和风味，感觉柔和舒服，最引人注目喺天花唔同款式嘅吊灯，甚有日本风情，又够别致；座位分别有2、4、6人座，最钟意佢6人座位置有竹屏风相隔，私隐多一点之余，又减少食客之间嘅骚扰。
除咗散叫，有多款一人前定食（$98-$158），以及少数二人前（$298、$338）同四人前定食（$598）。
不过，嚟得季和，相信大部人嘅目的都喺一尝和牛蒸笼料理，而蒸笼料理套餐分两个价钱，视乎「蒸笼」部份选食A4定A5和牛，前者定价为$600/位，而后者则$800/位，套餐已包括前菜、刺身、烧物、寿司、酒肴、蒸笼料理、食事及甘味，非常丰富。
如想咀刁，可以跟餐厅商议自订菜单，俾个「笔直」佢，讲讲个别喜好俾佢参考，佢就会安排一个个人化嘅和牛蒸笼料理俾你。是夜，9道菜嘅蒸笼盛宴（只喺$550 + 10%），随着前菜揭开序幕。
日本温室蕃茄拼水茄子将蕃茄同水茄子切成薄片，简单拌上酱油，出奇地感觉咁新鲜，蕃茄清甜多汁，水茄子有种脆脆爽口感，作为前菜，真喺令人胃口大开。
日本温室蕃茄拼水茄子
55 浏览
0 赞好
0 留言
依道深海池鱼薄切，其实亦喺前菜之一。鱼肉切得既薄且透，入口鲜甜，鱼味十足，就算唔沾任何嘢，都好味，若然蘸些微酱油，会令鱼鲜味更为突出。
缟鲹薄切
46 浏览
0 赞好
0 留言
季和特上刺身盛合再嚟就喺正式嘅刺身上场，依份特上盛合，睇见都已经引起大家哗哗声，因为卖相实在美不胜收，店长仲话全部都喺时人令货色。五款刺身包括生萤光鱿鱼、牡丹虾、北寄贝、拖罗同海胆，依个亦喺由淡至浓品尝刺身嘅次序。
季和特上刺身盛合
37 浏览
0 赞好
0 留言
牡丹虾，放晌酒杯中，份外好睇，而雪白嘅虾肉，鲜甜得很，质感极为清爽，虾头里嘅亦虾膏，甘饴味美。
新鲜北寄贝都喺第一次食，平常所食嘅都喺整熟咗，又韧又胶。今次嘅鲜北寄贝，真喺好有新鲜感，入口十分之弹牙。
拖罗，淡红粉嫩，油脂布满平均细密，加上厚切，一放入口腔内，柔滑油润，肉质细腻，好想食多一件。
海胆，喺5款刺身中最深刻嘅一款，鲜橙色嘅外观，亮丽吸引，味道就更为精彩，绵密甘甜，鲜味突出，实在叫人回味。
松叶蟹豆腐味噌汁椀物，比较少用嘅名字，即喺汤品。以味噌汤为基调，清澈而浓香，又富面豉味，再衬以嫩滑无比嘅豆腐，当然松叶蟹钳喺个汤嘅焦点，不单显得有睇头，而蟹肉清甜鲜味，令整道汤品更矜贵。
松叶蟹豆腐味噌汁
23 浏览
0 赞好
0 留言
煮物用上广岛蚝配搭昆布，让昆布嘅海洋气息渗入蚝中。两只广岛蚝卖相十分肥美，望见都流口水，加埋一片樱花形昆布，更具和风色彩，一咬蚝鲜尽出，有一朕朕咸鲜味，再者，蚝味浓郁，滋味"蚝"情。
广岛蚝昆布蒸
22 浏览
0 赞好
0 留言
其实，晌食其他料理之时，个蒸笼已经开始准备，内里一早放有好多蔬菜，如日本白菜、水菜、本菇、冬菇及青葱，而今晚就预备咗飞驒和牛及鹿儿岛黑豚肉嚟做蒸笼料理。 据店长介绍，依个食法流行于日本九州，木蒸笼都喺晌日本特别订制，锁水力强兼能散发木香。
辣萝卜蓉、葱花酸汁、柚子醋，芝麻酱食蒸笼料理晌酱汁上同样讲究，4款式酱汁，都各有特色，可随个人喜好。然而，店家则建议，先食蒸肉原味，之后再沾唔同酱汁，清新啲可拣葱花酸汁或柚子醋，想浓香啲当然喺芝麻酱啦，当中小弟就较爱柚子醋，酸香清新，更令肉味突出。
飞驒和牛先试试和牛，待笼内嘅蔬菜蒸至半熟，再铺上和牛，由于牛肉唔使熟透，加上又喺薄切，所以，想食到半生熟，蒸30秒就搞掂，想熟透啲，1.5-2分钟就有得食。全程店员会根据你喜好处理，无须食客操心，蒸好嘅和牛卷起大量蔬菜奉客。小弟要半生熟，睇落近乎生肉，色粉嫩红，入口软绵绵，柔滑得很，甘香而充满油脂！
飞驒和牛蒸笼料理
20 浏览
0 赞好
0 留言
鹿儿岛黑豚肉因为豚肉要全熟，基本上就一入蒸笼煮到尾。睇落好似烟肉咁款，蒸熟之后肥膏变为透明，都担心会好油，不过，入口又唔喺咁肥㖞，而且肉质非常滑而富弹性；再点少少葱花酸汁，「中和」吓啲油脂，感觉更好，此外，沾芝麻酱效果亦唔错。
鹿儿岛黑豚肉蒸笼料理
40 浏览
0 赞好
0 留言
食事安排了烧饭团及冷乌冬，一热一冻，几有心思。饭团里面包咗好多梅子肉，酸香「提神」，因为真喺几酸吓，食到小弟咪晒眼，而且，饭团烧得比较干，入口有啲硬。
梅子烧饭团
21 浏览
0 赞好
0 留言
秋田稻庭冷乌冬反而冷乌冬合我心水，因为食完啲热辣辣蒸笼料理，来一口冰凉嘅冷乌冬，着实让人变得清爽。乌冬入口好滑溜，沾上鲣鱼汁而吃，简单，却喺味美。
秋田稻庭冷乌冬
37 浏览
1 赞好
0 留言
最后甘味来一道柚子雪葩，清爽怡人，微微嘅酸，又渗出微微嘅甜，雪葩内更混有一啲柚子皮，添加点口感，将今晚嘅小聚有个美好嘅作结。
柚子雪葩
37 浏览
0 赞好
0 留言
张贴
