影片
更多
2024-04-21
1770 浏览
又到同老婆大人、朋友一齐去食大餐嘅好日子！今次我哋去食蒸气火锅劲多嘢食饱到一个点呀。我哋今次拣咗去九龙酒店嘅倚窗阁开餐，初初仲以为食自助餐原来佢间咗少少位尊做呢个蒸气火锅。食呢个蒸气火锅套餐可以用$38额外叹任饮，可以拣红白酒、啤酒、汽水仲有咖啡同埋茶，咁鬼抵梗系要加钱任饮啦。蒸气火锅方面我哋拣咗鱻上鲜套餐！除咗海鲜之外仲有好多嘢食其中一样就系刺身拼盘，入面有北海道带子、三文鱼、油甘鱼同埋红虾，全部都好啱我心水尤其系油甘鱼够晒新鲜鱼味香浓。跟住仲有蜜汁西班牙黑毛猪叉烧，之前食中菜试过叉烧好唔错今次又有得食开心到弹起，叉烧一贯整到好腍好香最钟意佢唔会好甜食多两件都唔会觉得漏。男士们好开心因为有生蚝食嘻嘻！两只生蚝分别系爱尔兰同埋美国货两款都好新鲜，讲到我钟意嘅梗系爱尔兰生蚝啦。食完第一part系时候调个靓酱预备食蒸海鲜，净系酱汁同埋配料都已经有10几款，点都揾到自己啱心水配搭喇啩。呢个海鲜拼盘一上枱大家都哗哗声！因为入边有波士顿龙虾、扇贝、鲍鱼、大显同埋海虾，全部都好鬼新鲜，快啲攞去蒸快啲攞去蒸好心急呀。呢个扇贝已经加咗粉丝同埋蒜蓉蒸几分钟就食得！鲜甜嘅扇贝配咗浓味嘅蒜蓉酱够晒重口味点会
我哋今次拣咗去九龙酒店嘅倚窗阁开餐，初初仲以为食自助餐原来佢间咗少少位尊做呢个蒸气火锅。
食呢个蒸气火锅套餐可以用$38额外叹任饮，可以拣红白酒、啤酒、汽水仲有咖啡同埋茶，咁鬼抵梗系要加钱任饮啦。
蒸气火锅方面我哋拣咗鱻上鲜套餐！除咗海鲜之外仲有好多嘢食其中一样就系刺身拼盘，入面有北海道带子、三文鱼、油甘鱼同埋红虾，全部都好啱我心水尤其系油甘鱼够晒新鲜鱼味香浓。
跟住仲有蜜汁西班牙黑毛猪叉烧，之前食中菜试过叉烧好唔错今次又有得食开心到弹起，叉烧一贯整到好腍好香最钟意佢唔会好甜食多两件都唔会觉得漏。
男士们好开心因为有生蚝食嘻嘻！两只生蚝分别系爱尔兰同埋美国货两款都好新鲜，讲到我钟意嘅梗系爱尔兰生蚝啦。
食完第一part系时候调个靓酱预备食蒸海鲜，净系酱汁同埋配料都已经有10几款，点都揾到自己啱心水配搭喇啩。
呢个海鲜拼盘一上枱大家都哗哗声！因为入边有波士顿龙虾、扇贝、鲍鱼、大显同埋海虾，全部都好鬼新鲜，快啲攞去蒸快啲攞去蒸好心急呀。
呢个扇贝已经加咗粉丝同埋蒜蓉蒸几分钟就食得！鲜甜嘅扇贝配咗浓味嘅蒜蓉酱够晒重口味点会唔好食呀。
咋咋临蒸爆哂膏嘅波士顿龙虾啦！蒸熟嘅龙虾壳红当当入面嘅肉就白雪雪颜色好靓，食落去又爽口又弹牙嘅龙虾肉好鬼鲜甜，食完成口都系鲜味同埋膏嘅甘香正呀喂。
跟住仲有蚬同埋大虾呢两味嘢新鲜就一定好食。
龙虾钳我哋就留返同鲍鱼一齐蒸因为时间差唔多嘛！龙虾钳啖啖肉梗系好食，鲍鱼唔系好大粒不过胜在够鲜甜都唔错。
钟意食鱼嘅老婆大人见到呢个沙巴龙趸肉已经流晒口水！终于等到蒸佢5分钟就搞掂好快可以食，龙趸食落去一啲都唔腥仲好有鱼香好食㖞。
跟住就轮到我最钟意嘅牛肉！安格斯牛小排摆到成朵花咁样好好打卡，唔止样靓食落好滑溜牛味仲劲香浓添好掂呀。
唔食牛嘅老婆大人就有呢个醉鸡可以叹！醉鸡几入味食落真系有阵阵酒香，而且鸡肉好有弹性绝对系新鲜鸡。
食咗咁多海鲜同肉梗系要整返啲菜平衡吓啦！呢个蔬菜篮有菜有瓜仲有菇好丰富，大家都会揾到自己钟意食嘅蔬菜就一齐健康吓啦。
食到呢度我哋仲有个鲜甜嘅汤底唔好嘥要嚟整咗个蚝仔泡饭叹！肥嘟嘟嘅蚝仔好鲜加上鲜甜到一个点嘅汤底，煮出嚟嘅蚝仔粥实在令我太好味喇。
喂喂喂未完㗎我哋叫呢个餐仲可以任食自助餐嘅甜品！好多雪糕、蛋糕仲有甜点任攞任食都咪话唔爽，如果想食呢个蒸气火锅记得早两日预订啊。
张贴
