閨•家 (美基樓) (已結業)

约左朋友晚上系巴伦纽睇戏，睇戏前食饭就系对面闺家食就最稳阵，之前都食过几次今次先写下食评。闺家最大卖点就系个无味精老火汤，每个饭餐都会跟碗细既，不过黎到个汤暖既，似乎保温做得唔多好㖞，汤就真系无味精，料都几足，但唔多够甜。莲藕饼拼猪排饭，基本上我几次黎都食呢个，莲藕饼好多莲藕丝，唔会食落好重粉既感觉，极力推荐，猪排睇过老板讲过佢地系无落松肉粉同用梨汁去腌，所以都做到香甜松软，食落的确系咁，饭都软硬适中，另外仲跟左d葱油同酸菜黎配猪排食，食到唔同味道。朋友食猪手饭，我无试过唔知咩味，但佢食到好滋味咁应该都唔错既，蛋系另加既加5蚊。跟餐加12蚊有个油菜，菜心都几靓几甜。