影片
更多
2021-09-11
615 浏览
我从来都冇写过食评，但我觉得一定要为呢间咁有心嘅茶餐厅写食评表扬佢哋、为佢哋打气。搬入嚟附近嘅月租酒店几个月经过呢间茶餐厅都冇乜意欲想试吓但成日见到排长龙，有一次朋友讲起呢间茶餐厅话佢哋啲出名用料靓，所以决定揾日去试吓点知一试就爱上呢间咁用心嘅街坊茶餐厅。由食物、价钱、服务整体都好满意。唔似坊间一啲茶餐厅大部份茶餐厅净系想做生意，味道大众化逼埋你同人枱卡位，态度差又冇礼貌。经试过晒早餐、午餐、下午茶都冇令我哋失望，仲成日好期待佢哋每两日转一次嘅惊喜午餐。佢哋真系用心煮好每一样食材：e.g.早餐既牛油多士，渣满香浓香嘅牛油、外脆内软，我望入去厨房见到有个厨师系专门企喺度烘多士！真系非常新鲜，热辣辣香脆！我个餐唔跟多士+1个多士都只系加$3咋！嗌咗个XO酱榨菜肉丝煎太阳蛋公仔面，啲XO酱榨菜好香好惹味、肉丝系用猪颈肉！榨菜同猪颈肉都好爽！个公仔面我个人钟意食硬硬地，啲面预到啱啱好唔会比啲汤浸到林晒！食完之后嘴唇都充满晒XO酱嘅香味搞到我返到屋企都好回味个面！冻咖啡都唔差但今次叫咗个冻鸳鸯，我觉得比冻咖啡出色系我好钟意饮嘅味道。老公叫咗个炸鱼柳餐配冻柠茶，炸鱼柳外脆内软，佢又系劲钟意食佢哋嘅
呢间茶记嘅营业时间系朝早7:30至黄昏5:45星期一至六，有时好想佢星期日都开埋或者做埋晚市，但可能既营业时间时间同品质监控有关。依家仲有半个月就要搬走啦，我会好唔舍得呢间茶餐厅、到时唔可以随时落去食喇😭
张贴