影片
更多
2020-03-26
1463 浏览
#What The Food 最大嘅特色系喺街市旁边食西班牙菜，以黄兴桂嘅用语，就系 “蔗渣嘅价钱，烧鹅嘅味道”。据店主喺一篇访问入面解释，西班牙嘅 Tapas bar 好多时都系开喺街市入面，等人放工之后可以食少少嘢，饮返杯，贯彻慢活嘅生活，所以希望将呢种文化带入香港。小店主要提供 tapas，主菜同甜品，𠮶日我哋先嚟一客杂锦西班牙牛奶波波（croquettes），有菠菜同蘑菇两种口味，波波外皮热辣辣脆卜卜，入面就充满奶香，我较为钟意味道偏浓嘅蘑菇波波，食落有啲似炸蘑菇汤球，好有趣。主菜方面，我哋拣咗西班牙黑毛猪鸡肉烩饭（半份）同埋西班牙红花汁蚬肉意粉，两者嘅汁底类近，都系较稀嘅浓味汤底，配埋其他食材，味道丰富但又唔会太 heavy，就系丧食连汁都饮埋都唔会有好肥腻嘅感觉，超正👍。食完主菜，店主就开始制作我哋个甜品：特长西班牙油炸鬼（churro），睇住阿妹将条油炸鬼慢慢炸熟，攞上嚟，放喺装满红莓糖嘅盆上面碌嚟碌去，之后再淋上朱古力酱，成个过程充满艺术感。咬一口，红莓糖同朱古力嘅味道固然突出，但系竟然盖唔住油炸鬼入面嘅香浓蛋白味，非常好食。结果喺一路咬一路跌糖嘅狼狈情况之下，条油炸鬼
小店主要提供 tapas，主菜同甜品，𠮶日我哋先嚟一客杂锦西班牙牛奶波波（croquettes），有菠菜同蘑菇两种口味，波波外皮热辣辣脆卜卜，入面就充满奶香，我较为钟意味道偏浓嘅蘑菇波波，食落有啲似炸蘑菇汤球，好有趣。
主菜方面，我哋拣咗西班牙黑毛猪鸡肉烩饭（半份）同埋西班牙红花汁蚬肉意粉，两者嘅汁底类近，都系较稀嘅浓味汤底，配埋其他食材，味道丰富但又唔会太 heavy，就系丧食连汁都饮埋都唔会有好肥腻嘅感觉，超正👍。
食完主菜，店主就开始制作我哋个甜品：特长西班牙油炸鬼（churro），睇住阿妹将条油炸鬼慢慢炸熟，攞上嚟，放喺装满红莓糖嘅盆上面碌嚟碌去，之后再淋上朱古力酱，成个过程充满艺术感。咬一口，红莓糖同朱古力嘅味道固然突出，但系竟然盖唔住油炸鬼入面嘅香浓蛋白味，非常好食。结果喺一路咬一路跌糖嘅狼狈情况之下，条油炸鬼就畀我哋秒杀咗😂。
整体嚟讲，呢餐食得我非常满意。埋完单，阿妹问我哋嘢食啱唔啱口味，仲细心解释畀我听西班牙蛋饼同意大利蛋饼嘅分别，搞到我有一刻以为自己身处高级餐厅刚食完 fine dining😆。由于实在有太多嘢未试，疫情缓和后一定会嚟多次帮衬。
张贴
