The Joomak (已結業)

旅行返嚟大伤元气当然要补一补！嚟个「人参春鸡汤底 $295」再加埋「2人用韩牛拼盘 $498」，补足体力精神又要再返工战斗TT。虽然坐唔到海景位，但离远都望得几清，最紧要系海边无咩雾，有个靓夜景送饭人都开胃啲。呢度嘅人参春鸡汤底系用西班形无激素走地鸡，自然健康，仲有大大条人参，虽然话系春鸡，但份量唔细，只鸡里里外外仲包咗糯米同配料，有补气活血功效！咁足料嘅汤底我就建议先食咁只鸡同放咁啲蔬果豆腐鱼滑类落去煮咗先，如果咁快食肥牛，成个煲都系油就无咁健康。轮到韩牛拼盘出场，每种材料份量足够二人用，加埋汤底本身嘅配料，其实细食啲三个人都够。韩牛系1++韩牛，最顶级𠮶只，自家制泡菜墨鱼滑、雪耳、冰菜、羽衣甘蓝、栗米、南瓜、豆结同五蔬猪肉肠。收得你咁多俾足料你，算有诚意。材料亦都几新鲜。