蔡瀾越南粉 (已結業)

有一日我同朋友岀左中环附近行街，咁就打算揾间粉面快食！ 朋友推介呢一间越南河话超正，拣咗呢间越南河！呢间越南河有上下两层，装修有啲文青、小清新嘅感觉！水泥墙，楼梯转角位仲有啲盆栽绿叶！佢安排咗我哋坐2楼，位置都好阔落！一坐低就有杯水， 呢杯唔系普通嘅水，系甜甜地嘅，不过你问我系咩水我就唔知喇 ～ 不过都好有诚意啦！我嗌咗个牛展牛肉河、通菜同埋猪颈肉！个汤底好清澈，睇落淡淡地，以为冇乜味，但其实味道好浓沃！唔需要再加辣椒、柠檬或者其他调味都已经好够！佢个河粉都好吸汤，好夹！生牛肉刚刚好，有牛味又唔会太老 ！仲有佢个通菜，价钱好合理，而且份量都好多！够三个人食！好惹味，充满咸香带点微辣！猪颈肉都好淋， 唔使加个酱都好好味！overall黎讲都好好味！ 可以encore