影片
更多
2019-01-20
2917 浏览
一提起揾姜葱做菜，如姜葱炒蟹、姜葱焗蚝……等等，都离唔开啲中式海鲜菜式，但讲到西菜，算小弟见识少，印象中将两者同时采用就好似无。最近，睇到啲食评，大赞一道「姜葱龙虾尾意大利面」，出自大坑嘅「The Pudding Nouveau」，呢间法式小店我都好耐无嚟，所以，趁此顺便约约老友聚旧。今回事隔几年重访，觉得环境稍稍翻新过，但基本样貌就无乜点变，一室黑与白，简约嘅环境，清静嘅气氛，保持住法式小店嘅感觉。经过多年经营，餐牌上嘅主打菜式亦越嚟越多，例如法式油封鸭脾、小龙虾牛角酥、经典英式全日早餐……等等，都喺好嘢嚟。饮品方面，亦较多元化，特色咖啡及热茶唔在讲，仲有特饮、沙冰及奶昔。此外，佢哋嘅甜品亦做得有一手，好似啲招牌嘅窝夫、各款梳乎厘、乌龙茶法式炖蛋，都喺小弟心水。睇睇餐牌你就知，佢哋供应嘅甜点确喺几多选择，所以，唔少人嚟主要喺食甜品，叹咖啡。Curry Crayfish Croque Monsieur $148佢哋嘅小龙虾牛角碟酥好得，所以，今次就试试道咖喱小龙虾多士，咪以为得件多士，仲伴有脆薯条及沙律菜，而且，一如过往，薯条唔喺就咗配啲茄汁，而喺自家调制嘅黑松露沙律酱，食起嚟味道更细
今回事隔几年重访，觉得环境稍稍翻新过，但基本样貌就无乜点变，一室黑与白，简约嘅环境，清静嘅气氛，保持住法式小店嘅感觉。
经过多年经营，餐牌上嘅主打菜式亦越嚟越多，例如法式油封鸭脾、小龙虾牛角酥、经典英式全日早餐……等等，都喺好嘢嚟。饮品方面，亦较多元化，特色咖啡及热茶唔在讲，仲有特饮、沙冰及奶昔。
此外，佢哋嘅甜品亦做得有一手，好似啲招牌嘅窝夫、各款梳乎厘、乌龙茶法式炖蛋，都喺小弟心水。睇睇餐牌你就知，佢哋供应嘅甜点确喺几多选择，所以，唔少人嚟主要喺食甜品，叹咖啡。
Curry Crayfish Croque Monsieur $148佢哋嘅小龙虾牛角碟酥好得，所以，今次就试试道咖喱小龙虾多士，咪以为得件多士，仲伴有脆薯条及沙律菜，而且，一如过往，薯条唔喺就咗配啲茄汁，而喺自家调制嘅黑松露沙律酱，食起嚟味道更细腻，再者，啲薯条又脆又唔油。
Curry Crayfish Croque Monsieur
$148
39 浏览
0 赞好
0 留言
Pudding Lobster Tail Angel Hair $198呢一道「姜葱」菜式原来喺限定出品，因为晌餐牌搞唔到，而喺晌印向墙上嘅海报。由于用天使面效果无咁好，大厨话今晚改用咗意大利粉试试，其实，天使面一向都好难处理得好。
一上枱，𠮶朕姜葱味坚劲，香气四溢，的确，非常香喷喷。而卖相都同样诱人，大大件龙虾放晌面。
Pudding Lobster Tail Angel Hair
$198
41 浏览
0 赞好
0 留言
Cafe Latte $40今次杯鲜奶咖啡真喺有别佢哋一贯嘅水准，无靓嘅拉花都喺其次，冲泡嘅手势真喺差啲啲，入口浓缩咖啡跟奶泡撞得未咁均匀，还好嘅喺，始终用嘅豆都喺靓货，所以，咖啡味醇香。
Cappuccino $40老友就喜欢丰厚嘅奶泡，所以，就自然拣意式泡沫咖啡。反而呢杯就冲得几好㖞，老友话啲奶泡绵密又挺身，咖啡芳香醇和，热度又刚好。
题外话，食饭赚里数都唔喺咩新奇事，而晌度食饭，可以用Apps「Mileslife」赚到里数，对于有储开里数嘅朋友，就不妨留意吓。
The Pudding Nouveau晌大坑都扎根咗好多年，好多餐厅做到成熟，就会开分店，未知几时会见到佢哋冲出大坑，晌九龙区开番间分店，咁就更加就我哋啲「九龙人」嘞！
张贴
