永年士多 (兆安廣場)

营业中

休息中

初尝永年士多，一入到去环境几好几干净，楼面嘅姨姨好好人会帮手揾位今次拣咗猪红，猪肠，鱿鱼葱油捞面。车仔面黎讲卖相好好，𩠌嘅份量都唔算少，猪红好入味，食落去仲会有少少甜甜地。猪肠真系必食，里面啲脂肪都仲系到，咬落去好有油香，洗得好干净无异味鱿鱼就普普通通，烚熟嘅味。不过最大缺点系个葱油捞面，个面系超级重碱水味，唔知系葱油唔够香定碱水味太重，成个面除左碱水味之外都食唔到其他味跟餐叫左杯冻柠水，一般餐厅都系钟意将柠檬放底，佢就放面，卖相好睇啲不过真系几难拮柠檬，啲水又装到好满，拮一下柠檬已经泻晒出黎。总结中规中矩，葱油捞面应唔建议试