影片
更多
2024-11-03
368 浏览
✨一入嚟就感受到星马嘅气氛，装修真系好特别，充满插画嘅墙壁，特别嘅打卡胜地都搬咗过嚟，喺度食饭更加有气氛！(〃∀〃)🧡🐷葱油猪扒太阳蛋饭猪扒超肥美，质地超腍身，充满美极豉油嘅味道，加上呈橙红色嘅蛋黄，2只太阳蛋煎得啱啱好，半熟蛋可以笃爆蛋汁，配合葱油加猪扒，呢个配搭好难唔好食啩？🤎🔥🥣砂煲肉骨茶-配白饭每次食马拉菜，我都一定点肉骨茶！用砂煲嚟装真系好体贴，保暖效果一流，一边饮汤一边仲感受到暖笠笠！肉骨茶味道咸中带甜，药材味唔会太重，符合返大部份人嘅口味，劲容易入口，肉骨茶入面仲有其他配菜，例如金菇、豆卜、猪骨都好大嚿，配饭真系一流！另外仲可以加蒜蓉、辣椒或者酱油，不过唔加都好够味啦！🐔招牌星马鸡-配油饭&椰子鸡汤 $63去骨星马鸡嘅鸡髀位置都算嫩滑，鸡胸位置都未算鞋口，啖啖肉好唔错，附上三个酱汁，除咗葱油同埋豉油之外，特制酱汁辣中带酸几开胃，整体几match！🥥椰子鸡汤几清甜，椰子味都几重，有别于味精汤，都有惊喜！🧋马来西亚拉茶-冻奶茶一口滑落喉咙，质地劲香滑，茶奶比例均衡，但茶完全唔会比奶味覆盖，推荐大家试吓！🍋🫖爽爆柠檬茶-冻柠檬茶茶味香浓而不涩，都唔错！✨两个人食咗咁多嘢$200
🧡🐷葱油猪扒太阳蛋饭
猪扒超肥美，质地超腍身，充满美极豉油嘅味道，加上呈橙红色嘅蛋黄，2只太阳蛋煎得啱啱好，半熟蛋可以笃爆蛋汁，配合葱油加猪扒，呢个配搭好难唔好食啩？
🤎🔥🥣砂煲肉骨茶-配白饭
每次食马拉菜，我都一定点肉骨茶！
用砂煲嚟装真系好体贴，保暖效果一流，一边饮汤一边仲感受到暖笠笠！肉骨茶味道咸中带甜，药材味唔会太重，符合返大部份人嘅口味，劲容易入口，肉骨茶入面仲有其他配菜，例如金菇、豆卜、猪骨都好大嚿，配饭真系一流！
另外仲可以加蒜蓉、辣椒或者酱油，不过唔加都好够味啦！
🐔招牌星马鸡-配油饭&椰子鸡汤 $63
去骨星马鸡嘅鸡髀位置都算嫩滑，鸡胸位置都未算鞋口，啖啖肉好唔错，附上三个酱汁，除咗葱油同埋豉油之外，特制酱汁辣中带酸几开胃，整体几match！
🥥椰子鸡汤几清甜，椰子味都几重，有别于味精汤，都有惊喜！
🧋马来西亚拉茶-冻
奶茶一口滑落喉咙，质地劲香滑，茶奶比例均衡，但茶完全唔会比奶味覆盖，推荐大家试吓！
🍋🫖爽爆柠檬茶-冻
柠檬茶茶味香浓而不涩，都唔错！
✨两个人食咗咁多嘢$200有找，真系超抵食，食物质素都合格有余，突然间想食星马嘢可以再嚟！
张贴
