影片
更多
2018-10-09
1204 浏览
今日lunch 第一次试呢间嘢，外卖自取 用whatsapp 早九个字落单，都覆得几快，同埋都有耐性，问有咩汤又有图，问有咩饮又录埋音预返时间，去到就有得拎外卖 叫咗葱油鲜鸡饭（$68）加鲍鱼响螺鸡汤($20) 有鸡胸两嚿、鸡翼尖一只、鸡翼一只、鸡槌一嚿，份量黎讲都可以接受嘅，多返一至两嚿鸡会再好啲啦。 啲鸡系真系有鸡味，食得出唔系冰鲜嘢，鸡胸就鞋，其他都ok 滑，块皮充满鸡油味，啲葱油亦都好香！ 将葱油+鸡肉（一定要连皮）+鸡油拎黎捞饭，我觉得系幸福的。 纯计饭、唔计加埋汤，份量黎讲，食完都会七成饱嘅，不过如果佢有菜饭呀、糙米饭拣下就感觉无咁空虚。 至于个汤，无鲍鱼鲜味，都唔重鸡味，得些少响螺味，但都唔系鲜甜，汤里面都无任何汤料嘅。我觉得大家可以唔洗嘥钱试。好彩佢啲汤唔好饮，如果唔系，作为一个汤人，以后嗌鸡饭都要加汤就实在太重皮 一个70蚊有找嘅鸡饭，喺写字楼区都还可以接受，不过下次再食我会叫手撕鸡类嘅饭啦，$48蚊就抵食啲，价钱贴地返少少 另外，如果可以将鸡同饭放埋一齐，我会觉得无咁浪费，而家鸡饭分开就嘥咗两个胶盒，唔知呢间嘢会否考虑一下呢？ 简单黎讲：1. 落单服务2. 葱
用whatsapp 早九个字落单，都覆得几快，同埋都有耐性，问有咩汤又有图，问有咩饮又录埋音预返时间，去到就有得拎外卖
叫咗葱油鲜鸡饭（$68）加鲍鱼响螺鸡汤($20)
有鸡胸两嚿、鸡翼尖一只、鸡翼一只、鸡槌一嚿，份量黎讲都可以接受嘅，多返一至两嚿鸡会再好啲啦。
啲鸡系真系有鸡味，食得出唔系冰鲜嘢，鸡胸就鞋，其他都ok 滑，块皮充满鸡油味，啲葱油亦都好香！ 将葱油+鸡肉（一定要连皮）+鸡油拎黎捞饭，我觉得系幸福的。
纯计饭、唔计加埋汤，份量黎讲，食完都会七成饱嘅，不过如果佢有菜饭呀、糙米饭拣下就感觉无咁空虚。
至于个汤，无鲍鱼鲜味，都唔重鸡味，得些少响螺味，但都唔系鲜甜，汤里面都无任何汤料嘅。我觉得大家可以唔洗嘥钱试。好彩佢啲汤唔好饮，如果唔系，作为一个汤人，以后嗌鸡饭都要加汤就实在太重皮
一个70蚊有找嘅鸡饭，喺写字楼区都还可以接受，不过下次再食我会叫手撕鸡类嘅饭啦，$48蚊就抵食啲，价钱贴地返少少
另外，如果可以将鸡同饭放埋一齐，我会觉得无咁浪费，而家鸡饭分开就嘥咗两个胶盒，唔知呢间嘢会否考虑一下呢？
简单黎讲：
1. 落单服务
2. 葱油鸡
3. 份量🆗
4. 价钱偏贵
5. 汤
张贴
