金龍冰室 (已結業)

前几日晏昼差不多12点嚟到位于观塘牛头角道嘅金龙式冰室食晏。好在𠮶阵餐厅仍未算太多人所以唔使等位。是日午餐有九款选择，普遍 $40 几 $50 几蚊。拣咗个葱油鸡髀太阳蛋饭配黑椒汁饮冻咖啡，一共$45。卖相都几靓仔，两只太阳蛋煎得十分吸引，鸡髀亦都好有光泽，鸡脾size正常，旁边仲跟有少少沙律菜。个酱汁同鸡髀味道都OK, 只系个饭比较腍身左少少。冻咖啡味道正常。整体感觉，味道OK，新装修感觉好干净。一般价位，迟D可以再嚟试下其他嘢。