影片
更多
2023-10-10
183 浏览
哩间奇趣烧鹅经过无数次，但一次都无帮衬过，最主要原因系，餐厅店门大开，香港地天气热而且热天时间长，所以估计餐厅冷气都唔会强得去边! 去D冷气够冻餐厅好过啦! 免得攞苦嚟受.今次因为去弼街订咗两条云石条，攞住佢又重又危险，快快脆揾间餐厅食完饭就快快打的归家，见到奇趣烧鹅有位，时过中秋天头又唔热，于是入内帮衬.每次入去烧味店，打开份Menu，好多嘢都想食，女友小熊叫住我唔好眼阔肚窄! 减肥呀!哦.... 知道......于是我点咗个乳猪饭加咸蛋多色，小熊点肥叉油鸡饭多色前菜海蜇.优点:1, 总觉得食到好味乳猪要靠运气，烧味店又唔会烧定太多，因为放得耐皮唔脆，但烧得唔多又易沽清无货，买都又未必皮脆，今次点乳猪饭，皮脆肉嫩，点上甜酱更惹味! 满意!2, 时下不少餐厅，包括大家乐，D油鸡白切鸡系无肉! 得皮同骨! 偷工减料得过份! 有D俾只鸡翼当油鸡，果D烧味店必负评! 眼前嘅油鸡，肉嫩又皮滑又足料! 掂!缺点:1, 餐厅细细卡位唔多，坐得迫迫夹夹唔太舒服.2, 叫咸蛋又无落单，睇睇张单又真系无咗咸蛋，漏咗落单啦!3, 女友小熊指明要肥叉，张单都打明落肥叉，点知上枱系瘦叉! 以为佢地只有瘦叉咩，
今次因为去弼街订咗两条云石条，攞住佢又重又危险，快快脆揾间餐厅食完饭就快快打的归家，见到奇趣烧鹅有位，时过中秋天头又唔热，于是入内帮衬.
每次入去烧味店，打开份Menu，好多嘢都想食，女友小熊叫住我唔好眼阔肚窄! 减肥呀!
哦.... 知道......
于是我点咗个乳猪饭加咸蛋多色，小熊点肥叉油鸡饭多色前菜海蜇.
优点:
1, 总觉得食到好味乳猪要靠运气，烧味店又唔会烧定太多，因为放得耐皮唔脆，但烧得唔多又易沽清无货，买都又未必皮脆，今次点乳猪饭，皮脆肉嫩，点上甜酱更惹味! 满意!
2, 时下不少餐厅，包括大家乐，D油鸡白切鸡系无肉! 得皮同骨! 偷工减料得过份! 有D俾只鸡翼当油鸡，果D烧味店必负评! 眼前嘅油鸡，肉嫩又皮滑又足料! 掂!
缺点:
1, 餐厅细细卡位唔多，坐得迫迫夹夹唔太舒服.
2, 叫咸蛋又无落单，睇睇张单又真系无咗咸蛋，漏咗落单啦!
3, 女友小熊指明要肥叉，张单都打明落肥叉，点知上枱系瘦叉! 以为佢地只有瘦叉咩，后上嘅单叉烧仲肥过我地，即时同楼面反映，楼面同厨房讲，厨房就爱理不理! 咁嘅服务点俾好评?
4, 我大爱嘅葱蓉，味道过咸! 漏单我接受，肥叉变瘦叉都算，但大大大爱葱蓉竟然小小份量都大咸就接受唔到!
5, 小熊碟饭平过我，饭就多过我! 俾贵D食少D咩道理?
6, 前菜海蜇味道居然系甜，系甜到好似甜品咁甜！叉烧都无佢咁甜！ 接受唔到啰！
我嘅葱蓉又唔掂，连我都唔敢得罪嘅女友小熊居然都被激嬲！马上打入永不帮衬名单中！
张贴
