蕃滿門 (已結業)

位于九龙湾国际展贸中心嘅蕃满午餐时间相当多打工仔排队，因为佢系以蕃茄汤粉为主题，几吸引人😍午餐有set,包野饮 ，叫左碗香煎汉堡扒螺丝粉，呢度好特别蕃茄汤底亦都可以拣辣度，我今次拣咗原味，因为想食真佢嘅蕃茄清汤。蕃茄汤睇得出用鲜茄熬制，味道非常之浓郁，仲见到粒粒蕃茄，汤底相当出色！螺丝粉份量亦都好多，煮到软硬啱啱好。不过个𩠌就麻麻地，汉堡扒似出边冻肉舖买到𠮶啲，而且份量好少，所以如果有下次都唔会再叫汉堡扒嚟食。