蕃滿門 (已結業)

今朝去完银行就同妈咪去食早餐，经过一间用蕃茄做主题嘅新餐厅，餐厅已经坐满人，谂住排队等入去食，很幸运刚好有人埋单我等侍应执埋枱可以入座我最欣赏嘅就系佢啲餐具分左一份份，咁就唔使睇人哋攞嘅时候交叉感染，因为你唔知道上一手嘅人干唔干净，值得一赞我选左香煎鸡扒配餐肉&鸡肉肠，追加蕃茄浓汤火腿螺丝粉，转配热既西柚冻顶乌龙，鸡扒上面配左啲烧汁，鸡肉都嫩滑，沙律配搭芝麻酱好清新，蕃茄浓汤上面有好多新鲜嘅蕃茄粒，而且蕃茄味好浓，火腿亦都系一大片不是用火腿丝，好钟意佢个蕃茄汤，佢嘅西柚冻顶乌龙好好饮，估唔到热嘅西柚配埋乌龙茶原来系咁夹，推荐！妈咪就选咗个蕃茄浓汤厚切餐肉乌冬配牛油蒜香多士及炒蛋，转配热嘅黑糖姜母红菜头，块午餐肉真系超级厚，从来都未见过餐厅会切咁厚嘅餐肉，妈咪话个蕃茄汤好浓又唔会酸好好饮，好想饮晒个汤，妈咪最欣赏嘅就系杯黑糖姜母红菜头，佢话饮嘢最紧要水要够热，出边餐厅啲水成日都唔够热，呢一杯嘢饮由头饮到尾都系热㗎，妈妈表示下次一定要再encore见到隔离枱食烘底三文治我又心思思好想食，于是就叫多一份烘底咸牛肉炒蛋三文治，面包刚刚烘完香脆，入面嘅咸牛肉俾得超多一啲都唔手软，我觉得咸牛肉仲多