新仙清湯腩咖哩專門店 (已結業)

因为「米芝莲」呢三只大字黎帮衬，食嘅唔系最招牌嘅牛腩，反而试左蕃茄猪肝饭，因为听落好鬼有益，啱晒我呢亭成日手脚冰冷嘅人喺冬天进补～其实猪肝汤要做得好味一ｄ都唔简单，猪肝要拣新鲜爽嫩不在话下，汤同样都要鲜甜，一但控制得唔好，就好容易食到内赃嘅腥味～呢度嘅蕃茄猪肝汤就认真抵赞，猪肝切得厚薄均匀，分量又够食，入口粉嫩鲜滑，连埋蕃茄一齐食，非常美味，开胃又有营养，唔食牛嘅人黎到呢度都唔惊无选择，good~!!!另外都点左脆卜卜嘅炸云吞，非常香口，咬一啖外脆内软，肉馅新鲜多汁，入面有大虾，弹牙又足料，点埋泰左甜辣酱就真系无得顶～