牛陣 (iSQUARE國際廣場)

营业中

休息中

原本我就系一个蕃茄控，特别系超浓郁嘅蕃茄汤底，夏天嘅时候食，酸味味超开胃。牛阵最近出咗蕃茄寿喜烧，见到咁吸引当然要试吓啦。今次呢就试咗澳洲产特上长期谷饲牛同埋北海道四元豚放题套餐，咁汤底当然系蕃茄寿喜烧。个煲一嚟到原本就已经系一个野菜底煲，加上浓郁嘅蕃茄寿喜烧汁，唔使再用任何调味料都够晒味啦。加上佢哋都肉质系非常讲究，牛肉同猪肉都系好细嫩。出面仲有配菜区有好多嘢食可以选择，熟食同埋生嘅食物都有。除此之外最开心嘅当然系有任食嘅Häagen-Dazs啦，而且仲要系今年嘅新口味，我最钟意嘅就系士多啤梨红桑子马卡龙雪糕，味道香甜好味。食完嘢之后仲可以玩小游戏添，门口增添左一「千本引」拉绳小游戏，我就拉中左一个零食，大家都快啲试吓啦。