樓下冰室

营业中

休息中

食过几间蕃茄汤通粉，始终都系觉得楼下冰室最好食，今晚又再黎到荃湾捧场。呢度既招牌当然系茄通啦，但除咗茄通其实都有茶餐厅必备既炒粉面饭、西多士等等，我地都考虑咗好耐，最后都系叫咗两个通粉餐，男友拣咗小辣汤底配螺丝粉，我既系唔辣既汤配通粉，两碗都系好香浓，通粉又唔会煮到发涨，啱啱好。值得一提呢度既通粉系超大碗，就算系男仔食都会觉得好饱。除咗滑嘟嘟既炒蛋仲跟一个𩠌，我地拣咗瑞士汁鸡脾同煎鸡扒，鸡脾个汁唔会太甜，啲肉好腍；鸡扒腌得入味，啲边边又好香脆，两样都推介。野饮方面叫咗绿椰冰同热菜蜜，茶餐厅黎讲水准不俗，又够大杯。最钟意荃荟分店呢度装修靓，又多卡位，同埋而家防疫关系，卡位与卡位之间都有挡板，食得都算放心。