正品蕃茄湯麵店 (已結業)

圣诞假期最后一日, 起身有D 唔舒服又唔想出街食野, 老公提议叫蕃茄面外卖, 于是用APP 落单。呢间食店绝对系我之前好经常食既食店, 不论返工LUNCH 定放工买返屋企食。就算星期六返奶奶度食饭, 都会提议叫正品返去食。不过而家因为疫情关系少左出街食饭同多左自己煮饭, 所以有一段时间冇食了。我通常都会去大坝街分店, 之前有试过去街市街分店食, 发现果间食店好细, 座位较少, 同埋味道不如大坝街呢间分店, 食过一次后就冇再帮衬了。大坝街分店比较大座位宽敞, 不过用具比较污糟除左出名既蕃茄面, 仲有饭食的。而且蕃茄汤底都有几种选择, 有酸菜, 有黑椒, 都好好食。外卖送到, 分汤的, 好好!我今次拣左墨鱼饼蕃茄汤面汤底: 酸菜蕃茄汤一打开个汤, 一闻已经闻到酸菜味, 垂涎三尺! 墨鱼饼我觉得比起以前细块左, 不过食到粒粒墨鱼, 同埋唔会成口粉蕃茄面放一阵汤已经松晒, 加埋酸菜汤底, 真系停唔到口, 连个汤都KO 埋腐皮墨鱼卷蕃茄汤面汤底: 黑胡椒蕃茄汤黑胡椒蕃茄汤底酸酸辣辣咁, 又有胡椒香, 正正! 腐皮墨鱼卷有4 条, 腐皮好脆, 夹左入面有墨鱼肉, 又脆又淋, 好食又好饱肚!