樓下冰室

营业中

休息中

之前帮朋友喺外国订咗嘢但一直未有时间拎俾佢，今日放假入荃湾探佢同bb， 趁bb瞓咗觉放低俾屋企人照顾，我哋两个就去附近食下午茶😁上次喺悦来坊食过日本嘢觉得一般，今次行过楼下冰室见到2点几仲好多客人，就试下系咪真系咁好食😆特色蕃茄浓汤通粉配牛乳炒蛋:特色蕃茄浓汤鲜牛肉米线配牛乳炒蛋:本身想食下午茶但见差唔多枱枱都有食蕃茄通所以我哋都决定试佢！汤底有粒粒蕃茄，味道酸酸甜甜超浓蕃茄味！朋友拣咗原味通粉而我就拣咗小辣米线加鲜牛，鲜牛肉好嫩滑完全唔会韧！炒蛋蛋味浓，口感又嫩又滑❤️招牌瑞士鸡髀:瑞士汁味道香甜唔会太咸，鸡脾入味又嫩滑多汁， 好食到平时唔食鸡皮嘅我连鸡皮都食埋，果然系必食招牌😍奶油脆猪仔包:大大只猪仔包，食落好香脆！华田脆脆:阿华田味超浓，加入脆脆令口感更加丰富❤️绿椰冰:平时好少喺餐厅见到，劲重椰汁味仲有唔少绿豆！