麻辣派對 (瑞生酒店) (已結業)

呢排科学馆搞活动，行完过加连威老道食餐《麻辣派对》。今次试咗蕃茄味型江团(bb辣)~次次都食酸菜鱼，今次拣咗蕃茄汤底加少少辣，真系冇拣错，汤底够香炉，味道同鱼都好夹，江团肉质新鲜又嫩滑，有皮位置入口肥美，配菜份量都唔少，魔芋片，玻璃粉，仲有芽菜、秀珍菇，条条挂满蕃茄汤汁更觉美味。藤椒花雕白贝~估你唔到原来都几辣几抢喉，这种贝类肉质唔错，呢只辣度好配合，惹味一流。川北凉粉~天气仍然炎热，呢个凉菜食落好舒服，味道唔错， 麻辣味香浓得嚟唔辣，正！冰雪仙柠C(特饮)~大大杯，青柠+柠檬，唔会太甜，酸酸地好开胃，亦都可以解辣。