樓下冰室 (已結業)

返工返到好攰，冇乜心情煮饭，不如出去食啦！近近地，食楼下冰室，可以饮红豆冰添。好，坐低睇吓有咩好食先。特色蕃茄浓汤通粉配牛乳炒蛋，炒蛋滑滑嘅，番茄汤好有蕃茄味，碗粉热辣辣够新鲜。招牌瑞士鸡髀，瑞士汁好入味，唔会太咸，鸡髀大大只啖啖肉，正！咖喱牛腩饭，朋友仔话要有饭落肚先得，好够饭份量，咖喱味浓，辣度适中。小食叫咗德国什肠，德国肠都几好食，有唔同款式，港式肠就得个咸字。忌廉红豆冰，忌廉打得好滑，充满椰味嘅红豆冰，平时饮开快餐店嘅，就知道个分别，呢度红豆冰好饮好多！