番茄師兄

营业中

休息中

元朗番茄师兄都食过几次，今日出去揾朋友行过深水埗又话想试下深水埗既番茄师兄有咩分别，话晒都系总店，一于试试。餐牌有d野同元朗有dd唔同，元朗用公仔面呢度用上海面，同个犇犇有礼呢度贵过元朗10蚊，其他大致上差唔多。带子牛郎上海面，有5块牛脷2粒带子，牛脷都算爽口，带子轻轻煎过表面唔腥，蕃茄汤都系一样咁正，对我呢d平时唔太钟意食番茄既人都可以饮晒成碗汤，面就食元朗无既上海面，同番茄汤都好夹，唔会煮得太腍。滑一滑，朋友拣既，有炒滑蛋同滑牛肉，顺便讲下佢地既炒滑蛋都好正，如果个餐本身无另外加5蚊就有，几抵食。另外加左2款小食，牛柏叶同猪颈肉，都系用麻香瑞士汁，瑞士汁加左少少麻辣汁（好少好少），甜得黎有dd咁多辣，几惹味。