元朗冰室

营业中

休息中

虽然呢间餐厅叫元朗冰室 但呢间冰室嘅设计一啲都唔似冰室 同传统嘅冰室有好大差别... 不过唔紧要啦最紧要系好食姐 咁就去咗试吓啦。今次系去元朗冰室度食早餐 九点几十点都仲系好多人 不过好好彩唔驶等好耐位 早餐都有四五个选择 同平时其他餐厅嘅冇乜大差别 都系有面有通粉有包去拣 不过我个人喜好就系番茄牛肉通粉 佢个番茄汤底真系好吸引 个汤底好浓！啲牛肉唔会好硬 都唔会好鞋。 佢个多士亦都系一个卖点 钟意蒜蓉味嘅朋友可以叫多蒜！ 佢啲蒜味真系好香！其实元朗冰室系出名食猪扒包 仲要系厚切𠮶种 只不过今次系食早餐 所以就冇叫猪扒包 如果平时你食下午茶嘅朋友可以一试啊！