牛舞日本燒肉‧涮涮鍋放題 (利舞臺廣場)

营业中

休息中

今日老友请我嚟牛舞食烧肉，佢竟然好豪咁叫个A餐，仲以为佢发咗达，点知食落原来都几好味系值呢个价。一开始有侍应拎个吉煲过嚟，原来用嚟煮寿喜烧，喺你面前煮系几特别。Buffet吧出边啲嘢都系任食，不过都系啲炸嘢咖喱咁，咁我食俾得呢个钱梗系专心食牛啦。日本和牛都算几多选择，仲每种配埋唔同汁，但系基本上就咁落盐已经最能够食到牛味。员工会主动教你点样烧，我最初𠮶几块全部㶶，下次同女朋友出街可以喺佢面前表演吓。员工基本上都算亲切有礼，会主动帮你换网又会主动帮你介绍吓啲嘢食，放题嚟讲到算系咁。应该会再嚟。