聯興潮州飯店

营业中

休息中

一年一度食薄壳的季节又到了，钟意去联兴食因为佢价钱平味道又好。薄壳配九层塔真系无敌组合，不过今次D薄壳的Size比想像中细粒，估唔到8月中都未够大只，咁即系9月可以食多转。其他菜式仲包括︰炸虾枣蟹枣，好似系球体𠮶只系虾枣，一条圆柱体切开嘅就系蟹枣，点埋佢个酱真系好食。韭菜猪红唔少得啦，呢度嘅韭菜猪红系用沙嗲酱去煮，味道唔错。椒盐白饭鱼就麻麻，唔够松化，嘥咗D咁新鲜咁大条嘅白饭鱼，早知白饭鱼煎蛋好过。鱼头豆腐白菜汤真心正，鱼头好新鲜好好味呀。鲜鱿炒通菜又系好好食woo，D鱿鱼好新鲜好弹牙。呢间嘅煎蚝饼有薯粉，够晒正宗，当然如果个蚝饼系煎唔系炸就会更理想啦。方鱼炒芥兰够镬气，热辣辣上枱真系好正。最后一样就系沙嗲炒牛河，都好好食，个沙嗲酱唔会太咸，香味都够，好食。