euro go go

营业中

休息中

之前都无咩点试过gogo，不过呢间gogo第一个比我既印象就系一个字：嘈！间野本身大门就对住商场搅到啲声通通都入晒入黎，再加埋冷气啲风声令成间铺头都几嘈杂。不过铺头环境都算企理整齐，整体黎讲尚可接受。同老死喊左个薄饼，有菠萝，salami，芝士，番茄酱呢啲薄饼经常有既材料，无咩特别。个批中央口感都算软，同ph差唔多，批边可能因为薄既关系，做得几脆，索索声咬落劲爽～～^_^味道就偏辣且单一，本身salami都ok多同辣，盖过晒其他材料既味，我自己顶到辣味无所谓，但系老死就唔系点顶得顺，喊左杯咖啡止辣，食唔到辣/唔钟意辣既同好要注意下。好啦埋单，一个唔系好大既薄饼成九十蚊😂😂，价钱平定贵？抵唔抵食？见人见智。