影片
更多
2021-09-04
123 浏览
之前想嚟试Mother of Pizzas🍕好耐，但每次都大排长龙，好彩今次排咗唔系好耐就可以入去啦！ 喺门口就可以见到有几个大窑炉，仲有好多员工忙紧整Pizza。Mother of Pizzas系用传统炭炉制作薄饼，足料之余仲要风味十足，唔怪得咁多人嚟排队啦！.Menu主要系沙律🥗、意粉🍝同Pizza🍕，见隔离叫嘅野食份量都几大，所以我哋两个人就无叫太多野食，剩系叫咗一个Pizza同意粉。Pizza味道都有好多选择，仲可以拣两个口味各一半，价钱就以较高价钱嘅Pizza为准。.超级撤亚人肉肠 (水牛芝士、意大利San Marzano番茄、好多美式肉肠) (右) $178Mother of Pizzas嘅饼底系用意大利🇮🇹面粉嚟做，连蕃茄酱都大有来头，San Marzano嘅蕃茄肉厚，酸度平衡，非常适合用嚟做蕃茄酱。.肉食者之选！ 蕃茄酱🥫X辣肉肠依个配搭一定无错，再加埋水牛芝士，真系好好味，另外，上面仲有新鲜Basil叶，减低左油腻感同埋感觉都Fresh啲! 不过👩🏻就略嫌唔够多蕃茄酱。.用窑炉焗嘅Pizza都零舍唔同，中间因酱料而变得软熟，而薄饼边脆卜卜，比较干身但带有面粉香。.我的
.
Menu主要系沙律🥗、意粉🍝同Pizza🍕，见隔离叫嘅野食份量都几大，所以我哋两个人就无叫太多野食，剩系叫咗一个Pizza同意粉。Pizza味道都有好多选择，仲可以拣两个口味各一半，价钱就以较高价钱嘅Pizza为准。
.
超级撤亚人肉肠 (水牛芝士、意大利San Marzano番茄、好多美式肉肠) (右) $178
Mother of Pizzas嘅饼底系用意大利🇮🇹面粉嚟做，连蕃茄酱都大有来头，San Marzano嘅蕃茄肉厚，酸度平衡，非常适合用嚟做蕃茄酱。
.
肉食者之选！ 蕃茄酱🥫X辣肉肠依个配搭一定无错，再加埋水牛芝士，真系好好味，另外，上面仲有新鲜Basil叶，减低左油腻感同埋感觉都Fresh啲! 不过👩🏻就略嫌唔够多蕃茄酱。
.
用窑炉焗嘅Pizza都零舍唔同，中间因酱料而变得软熟，而薄饼边脆卜卜，比较干身但带有面粉香。
.
我的帕尔马 (水牛芝士、San Marzano番茄、火箭菜、帕尔马风干火腿、帕马森干酪芝士、特级初榨橄榄油) (左) $228
.
睇到相都觉得依个好吸引，面头舖满晒Parma Ham🐖同芝士碎🧀，底下就有火箭菜同蕃茄，食落啖啖肉，👩🏻就觉得味道因为有好多Parma Ham嘅关系稍为咸咗啲，同埋食落有少少油腻，因为除左有Parma Ham之外，仲有橄榄油淋系面，如果食一块既话都可以，但个Pizza咁大个，每个味道都有三大块，两个人分嘅话就有啲漏。
.
意大利肉丸肉酱意粉
意大利肉丸配上自家San Marzano番茄肉酱、帕马森干酪芝士
$118
睇相以为唔系好多，但食完Pizza之后再食就一定食唔晒😂。肉丸系自家制，唔系好似xkea咁圆辘辘，卖相有啲岩巉，但味道系温柔嘅，每一粒肉丸都被番茄酱包住，好惹味。而意粉🍝就好al dente，依度嘅意粉都唔输蚀俾Pizza。
.
两个人👫食咗一个Pizza🍕同一个意粉🍝已经非常饱，如果多啲人嚟就可以叫多个沙律🥗share，就算一个人想食都可以order一片Pizza外卖🥡㗎，咁就唔怕食唔晒啦！
.
同之前嘅韩式Pizza比，👨🏽就比较喜欢Mother of pizzas嘅Pizza，成日都嘈住话要再食。而👩🏻就唔做选择啦，两款都咁钟意，why not both?!
张贴
