Primo (已結業)

同朋友放工约食饭，见附近有一间餐厅返气氛唔错，所以就入咗去试吓啦。我地叫左一个经典玛格丽特薄饼，素香肠意式蔬菜汁意大利面，泡沫咖啡幕斯蛋糕，焦糖新地。个薄饼好有惊喜，我哋叫咗普通嘅薄饼底，但系都唔厚，而且烟烟韧韧，上面嘅topping有蕃茄，加埋芝士，罗勒叶同埋柠檬香草，呢个经典嘅组合真系冇得顶。我朋友比较钟意个意粉，平时喺餐厅食嘅意粉都会比较漏，但系呢个意粉加咗生洋葱同埋蒜片，所以一齐食嘅时候，生洋葱嘅辣味会中和左酱汁嘅腻，最特别嘅系素肉，咬落去味道同口感都几似肉味，不过唯一嘅分别就系去到后劲嘅时候唔会有肉嘅膻味，反而会有好浓酱汁味道。个咖啡蛋糕，用嚟打卡一流，用咗唔同嘅生果来做摆设。蛋糕分三层，最底𠮶层系咖啡味嘅脆脆底，中间系咖啡味布甸，上层系奶冻，加埋隔离嘅雪糕球，又有雪糕嘅香甜味，又有咖啡嘅香醇味，真系好吸引。至于焦糖新地，有三球云呢拿雪糕，十分足料，加上表面淋上满满嘅焦糖同埋花生，食落有口感，为今餐画上左一个完美嘅句号。