王孖記果子 (已結業)

呢日行过茘枝角，谂住去四喜买包，经过王孖记，见到好多人排队，又见到佢个lunch 餐牌好吸引，之前亦都听朋友讲话佢lunch好味又抵食，成日都好快卖晒。咁难得黎到茘枝角又系lunch time，所以一于买返黎试吓😋等咗大概5-8分钟就已经有得拎，好快。一个lunch set 连纸包饮品加一杯仔啫喱，只系$40！我哋叫咗烧鸡髀姜黄饭同沙嗲猪肉串姜黄饭，佢啲姜黄饭好香姜黄味同埋原来仲有啲椰香味，上面仲有啲姜葱，好好味！😋😋佢嘅烧鸡髀啲肉好淋👍🏻不过猪肉串啲肉就硬咗少少。而佢嘅沙嗲汁好好味，好香沙嗲同花生味，汁入边仲有啲花生粒粒！成盒饭都好大份，好好味！忍唔住食晒，所以超饱🤣🤣！下次如果经过又系lunch time嘅时间一定会再买其他款试吓！