牛舞日本燒肉‧涮涮鍋放題

营业中

休息中

一个人出街跑完步，身水身汗，谂住要慰劳下自己，就去大商场揾啲好嘢食。见到呢间好似唔错，咁作为牛魔王，要食就梗系要食最好㗎啦，所以我嗌咗个最贵嘅萨摩牛餐，$588（未加一）任食2个钟。试完之后觉得果然系一分钱、一分货👍🏻1️⃣ 牛舞拼盘一入座就有，有7种肉，其中萨摩牛油脂香味最正，美国和牛嘅牛味几浓，鸡同猪味道都唔错，无一款系伏😋 试完可以单点自己钟意嘅～2️⃣ 烧肉、涮涮锅单点就梗系要狂食最正嘅萨摩牛啦😆 我嗌咗萨摩牛牛肋肉、酱烧和牛肋条、牛赤肉、和牛粒、萨摩牛薄切（涮涮锅）。萨摩牛油花靓，肉汁多，最重要系牛味十足，个人尤其钟意牛肋肉、牛赤肉同埋薄切。涮涮锅嘅汤底拣咗鲣鱼昆布汤，饮落清甜、唔重口味，啲配菜索埋汤汁好正。有得同时烧肉+涮涮锅呢点好好👍🏻3️⃣ 海鲜/刺身/炸物甲罗烧嘅蟹膏份量好多，味道浓郁香口，淋埋蛋汁食更滑，encore咗几次❗️香蒜牛油帆立贝、日本甘虾同炸日本甜薯都正常发挥。三文鱼几肥美，唔点豉油食都唔会腥，有得食刺身系几惊喜嘅😊4️⃣ 饮品除咗可以自己攞罐装饮品、斟咖啡、汽水之外，仲有得任饮酒精，而且唔系cheap嘢！我嗌咗梅酒，沟埋冰，又甜又凉爽🍺 一啖肉，一啖酒😁5️⃣ 蔬果、雪糕几