薩莉亞意式餐廳 (寶輪街) (已結業)

萨利亚D野食抵得黎又好食呢样野已经系常识，美孚呢间萨利亚我不时都会同屋企人一齐帮衬，因为几时食都唔会有错！我每次去萨利亚都会点既餐单就系咁样既：甜虾沙律D菜新鲜得黎量又足，甜虾分量都超级大方，我会叫佢分开酱上，咁就可以满足到想加酱同唔想加既人🙆肉酱多利亚每次上碟都热辣辣，虽然分量唔大，但肉酱同芝士就一D都唔小气，每一啖都食到大量肉酱同芝士，邪恶得黎又满足！粟米火腿pizza如果叫pizza，一定系会系粟米火腿，香甜既粟米铺满整面，上面仲有我最中意既蛋黄酱！最惊喜系佢既芝士仲可以拉丝！咁既价钱食到拉丝pizza真系抵到笑！鸡翼每次必点既其中一样，最中意系佢个调味，咸香得黎有少少辣，非常惹味，就算冻左都好好食！而且鸡肉都好嫩，食到肉汁，非常唔错！明太子意粉首先明太子意粉就唔系太多地方食到，而且佢既明太子酱非常重料，唔会食到最尾无嗮D酱，调味都好出色，明太子既咸鲜完全出到黎，加上佢个意粉，幼身得黎软硬度适中，出面贵一倍价钱都未必食到！除左野食好食之外，我都好中意佢个装修，空间感大而且坐得舒服，唔怪得咁多一家大细帮衬啦。最近每次去都要等位，唔想等既就要早D去啦！💁