薩莉亞意式餐廳 (新都城大廈) (已結業)

萨莉亚我相信大部份香港人都知系乜嚟，评价就好坏参半，我自己就食过几次，觉得正正常常啦，以咁嘅价钱，其实都几好味。就算一条友食，叫多几样食物一啲都唔贵。北角呢间分店好似系港岛区唯一一间分店，位置刚好，食完可以坐巴士回家。前菜我要咗一碟烟三文鱼，其实应该同超市买到嘅无分别，但价钱不比自己买贵，抵食又好食。另外，我自己叫咗份牛扒食，好似都要成$8x定$9x，喺萨莉亚嚟讲都算贵，哈哈。但其实咁大块肉都唔使成百蚊，抵食啦。味道中上啦，未至于雪到无味，另外仲有薯角粟米，够哂饱！