影片
更多
2019-04-09
137 浏览
作为汉堡包ge 忠实fans，我好热衷于寻找好味ge汉堡。最常帮衬连锁美式餐厅，但朋友就成日笑我食汉堡包呢d劣食。今次难得去黄埔附近，紧系要拉埋朋友去食怀旧时新港式汉堡包！话俾佢知唔可以睇少我最爱ge汉堡。时新仲系旧铺果阵都食过几次，但转新铺后都系第一次帮衬。位置好近黄埔港铁出口，行一阵就到，好方便。晚上8点左右去到，接近满座，我地坐左最后一张枱，估唔到竟然有梳化位。拣完野食可以去收银处order, 再等号码。我同朋友都嗌左双层汉堡包配蛋，真心系必嗌，次次黎都会食一个先满足！双层汉堡包配蛋（$32）我真系好钟意个时新酱！两层手打牛肉唔会干争争，配埋只蛋真系画龙点睛！不过如果大家唔钟意食蛋，都可以加火腿或者芝士。仲可以加多一层，不过我要留肚食小食，都系唔加咗多，废事吓亲人。难得黎到，唔系唔嗌炸鸡脾下话！炸鸡脾（$27）真系好耐冇食炸脾，因为坊间好多炸脾都唔系生炸，总系觉得差少少。但时新炸脾系真正生炸脾，要d时间炸，等左一阵终于出场！真系热辣辣D皮脆卜卜嫁！真系愈邪恶就食得愈感动。炸脾一定要食呀！我同朋友share食1只，都已经好满足！另外，我地都叫左个黄金脆鸡粒。黄金脆鸡粒（$15）炸鸡
今次难得去黄埔附近，紧系要拉埋朋友去食怀旧时新港式汉堡包！话俾佢知唔可以睇少我最爱ge汉堡。
时新仲系旧铺果阵都食过几次，但转新铺后都系第一次帮衬。
位置好近黄埔港铁出口，行一阵就到，好方便。
晚上8点左右去到，接近满座，我地坐左最后一张枱，估唔到竟然有梳化位。
拣完野食可以去收银处order, 再等号码。
我同朋友都嗌左双层汉堡包配蛋，真心系必嗌，次次黎都会食一个先满足！
双层汉堡包配蛋（$32）
我真系好钟意个时新酱！两层手打牛肉唔会干争争，配埋只蛋真系画龙点睛！
不过如果大家唔钟意食蛋，都可以加火腿或者芝士。仲可以加多一层，不过我要留肚食小食，都系唔加咗多，废事吓亲人。
难得黎到，唔系唔嗌炸鸡脾下话！
炸鸡脾（$27）
真系好耐冇食炸脾，因为坊间好多炸脾都唔系生炸，总系觉得差少少。但时新炸脾系真正生炸脾，要d时间炸，等左一阵终于出场！真系热辣辣D皮脆卜卜嫁！真系愈邪恶就食得愈感动。炸脾一定要食呀！我同朋友share食1只，都已经好满足！
另外，我地都叫左个黄金脆鸡粒。
黄金脆鸡粒（$15）
炸鸡粒15蚊好抵呀！可以拣配咩酱，姨姨推荐沙律酱。望落一粒粒，外脆内嫩！有d似连锁美式快餐ge麦x鸡，值得一试。
我为左影相先斯斯文文咬一啖仔，之后我都系成粒放入口，好正。
最后我地叫左红豆冰。虽然价钱唔平，但真系要叫返杯配合下个怀旧feel!!!!!
红豆冰（$23）
不过枝饮管系幼管，吸唔到红豆，我唔知系咪咁先系正宗食法系用匙食红豆。
最后食到好饱，满足晒！！
张贴
