叁薯 (已結業)

今日行过花园街附近见到之前好热既叁薯，就过去试下。 首先点左个薯角。见到厚切薯角上面铺左层汁酱青蒽，感觉几特别，因为之前食薯角都系净食，冇试过加野。 甘我即刻咬左下，个薯角本身好脆，但薯肉又唔会炸得好烂，有少少软绵口感，几好味。 重点系个啲特制酱汁，令到本黎好腻既薯角多左小小既甜味，中和番，但又几搭，风味独特。 意犹未尽下，我就叫多个炸鸡，佢个炸鸡都系几特别，就系加左啲淡忌廉同特色凯撒酱系上面。 炸鸡咬落好香脆幼嫩，肉汁好够，配搭埋个忌廉同酱就有少少清新味道出番黎，又几好味，而且份炸鸡都几大份，三旧都啖啖肉，令人十分之满足。 我个frd喊左个招牌既重量级芝士焗薯，望落都几大份，系原只薯仔，同埋好重手既车打芝士，仲有一团淡忌廉。 我已经好饱，所以只系食左一啖仔。 但系好好味。 因为我本身都几钟意食焗薯，尤其系热辣辣既薯仔同牛油混合既味道，但佢除此之外仲有浓郁既芝士味道，我觉得非常之香口好味，但食甘大份会比较容易腻，可能买一份两个人食会好啲。