影片
更多
2019-03-14
52 浏览
系网上有不少media都报导咗一薯呢间小店，见到影片入面唧出长长嘅薯条，感觉好治愈，再加上满满嘅酱汁好似好吸引咁，所以一直都想揾日去旺角试下。咁岩当日系旺角唱完k，可以顺便当下午茶咁试下佢嘅薯条。店铺位置唔算难揾，因为附近街都系成排小食店，大概都知方向。店铺比想像中细间，最多只可以企5-6人。本来以为media报导后会大排长龙，但当日店里竟然无乜客人。当日印象中店内只有两位店员，即点即炸薯条，可能因为客人唔太多，所以唔使等太耐。餐牌主要分咗两种薯条，日本超长薯条、比利时粗薯条。今次试咗日本超长薯条先，因为好少见咁长嘅薯条。超长薯条配嘅酱料都有好几款，拣咗一阵先决定到（选择困难症发作haha）。我地拣咗绿魔酱，即系日本沙律酱＋日本青芥辣酱。由于即叫即炸，都要等一阵先有，要有少少耐性。日本超长薯条配绿魔酱酱料都几足料，食到最后唔会无哂酱汁。至于薯条，真系好长好长，大概有一截手臂长？佢同预期中嘅口感真系好唔同，佢唔系m记薯条超级加长版，食落亦唔太有薯仔香，反而有啲油膱味。口感偏向爽口，但称唔上好食。炸出离亦唔系金黄色，而系偏焦嘅深啡色。因为薯条太长嘅关系，吉住食个阵好易断开，大家要小心翼翼地
见到影片入面唧出长长嘅薯条，感觉好治愈，
再加上满满嘅酱汁好似好吸引咁，
所以一直都想揾日去旺角试下。
咁岩当日系旺角唱完k，
可以顺便当下午茶咁试下佢嘅薯条。
店铺位置唔算难揾，
因为附近街都系成排小食店，大概都知方向。
店铺比想像中细间，最多只可以企5-6人。
本来以为media报导后会大排长龙，但当日店里竟然无乜客人。
当日印象中店内只有两位店员，即点即炸薯条，
可能因为客人唔太多，所以唔使等太耐。
餐牌主要分咗两种薯条，
日本超长薯条、比利时粗薯条。
今次试咗日本超长薯条先，因为好少见咁长嘅薯条。
超长薯条配嘅酱料都有好几款，拣咗一阵先决定到（选择困难症发作haha）。
我地拣咗绿魔酱，即系日本沙律酱＋日本青芥辣酱。
由于即叫即炸，都要等一阵先有，要有少少耐性。
日本超长薯条配绿魔酱
酱料都几足料，食到最后唔会无哂酱汁。
至于薯条，真系好长好长，大概有一截手臂长？
佢同预期中嘅口感真系好唔同，佢唔系m记薯条超级加长版，
食落亦唔太有薯仔香，反而有啲油膱味。
口感偏向爽口，但称唔上好食。
炸出离亦唔系金黄色，而系偏焦嘅深啡色。
因为薯条太长嘅关系，吉住食个阵好易断开，大家要小心翼翼地食，否则好易弹到酱上身。
老实讲，呢款薯条同人share都会食唔哂，
因为食几条就好易滞，加上酱料，食到最后会好想放弃。
由于仲未试过比利时粗薯条，如果有机会我都会再试下，可能味道会好啲？
题外话/补充资料：
有样想赞，店家有提供纸巾及垃圾桶，都算几贴心。
(以上食记乃用户个人意见 , 并不代表OpenRice之观点。)
张贴
